Panti Pijet

Embuh, aku mau kepikiran opo tho yo.....?? kok ujug-ujug pengen wae nulis nang blog nganggo boso jowo. Mungkin pancen jarang aku moco-moco postingan ning blog nganggo boso jowo. Yo, iki nggo selingan wae ben ora bosen, tur yo ideb-ideb kanggo ngelestareake boso jowo sing saiki mung dinggo omong-omongan wae nanging jarang sing gelem nulis nganggo boso jowo kuwi.

Sengojo aku nulis nganggo boso jowo ngoko, mergo pancen aku boso jowo sing alus gak patiyo iso (iso se jane, tapi wedi mengko sing moco sing ra iso hahahha.... padahal sing nulis soyo parah gak mudeng unggak-ungguhing boso :)).

Ing kesempatan iki, aku arep nyritakke pengalaman sing yo.... iso diarani ngisin-ngisinke tapi yo lucu, nek kelingan dadi mesam-mesem dewe hehehe.....

Naliko aku iseh kerjo neng Semarang, pas'e neng daerah Citarum, Sak bar'e jembatan citarum soko arah Solo kiwo dalan mlebu sithik ono ruko-ruko, yo nang kunu iku kantor panggonanku nyambut gawe. Nek ra salah ning deretan iku ono 7 ruko, kantorku pas ning tengah-tengahe. Sisih kiwo nek disawang soko ngarep, dealer honda, lan sisih tengene Panti Pijet. Wah jan.... panti pijet iki sing marai ngedeg-ngedeg'i hahahha...... Mbuh iku panti pijet plus-plus opo minus-minus aku yo gak ruh, wong durung pernah njajal, tur yo ra pengen njajal. Dudu mergo opo-opo se, tapi pancen aku yen di pijeti kuerine puol hahaha.... Saben isuk sak durunge mlebu kerjo biasane jagongan sek bareng konco-konco karo nyawang cewek-cewek panti pijet sing agek mangkat kerjo. Klambine sesek, rok'e jian... duwur tenan hehehe...., kadang-kadang kepikiran gek nek arep njukuk barange sing ceblok ngunu iku carane piye hahaha..... pawak'ane biasane lemu-lemu, tapi yen disawang sak klerapan pancen semloheh tenan.

Dino senen, isuk-isuk jam 7-an aku wes mudun soko bus kota, terus mlaku arah kantorku. Eee... ndilalah bareng cewek jian, uuayuu yenan. Pawak'ane koyo biola, pacak'ane jan pas tenan, rok'e mini, nganggo stoking ireng, sepatune jinjet duwur tenan, paling nek sikelku kepidek iso langsung aboh seminggu hahaha...., waktu iku aku langsung kepikiran, cewek iki pesti karyawan panti pijet anyaran sebelah kantor. Dewek'e nyawang aku terus mesem. Awakku langsung adem panas, pokok'e grogi tenan aku mlaku bareng dewek'e, untung wae aku ora kesandung-sandung. "Yuk mas bareng..." cewek iku ngajak'i, koyo wes ngerti wae kantorku sing endi, mungkin mergo klambi sragam kerjoku, batinku.

Tibak'e tebak'anku mau bener. Bocah'e malaku arahe yo arah kantorku. Wah yo pancen karyawan panti pijet iki. Batinku, sayang ment yo..yo.., ayu-ayu kok kerjo nang panti pijet. Kiro-kiro 5 meter soko pintu kantor, aku mlaku misah arah ngiwo karo mesem neng dewek'e. Cewek iku yo mbales mesem, tapi wajah'e ketoro rodo bingung kok aku mlaku ngiwo. Aku wes tekan ngarep lawang kantorku, cewek ayu mau tak lirik wes mbukak lawang nggone kerjo karo yo ngirik aku tapi wajahe yo sek ketok bingung. Mbasan cewek ayu mau wes mlebu, aku agi mbukak lawang kantor. Sak wis'e mlebu terus lawang tak tutup. Aku njumbul kaget sak kayange, sampek rokok neng kantong klambi ngarep ceblok mergo saking kagete. Lha piye ra kaget, agi mlebu wes disambut karo eseman genit wong wedhok sing dandanane menor lan pawak'ane lemu. "Monggo mas, mang milih menunipun, ajeng pijet ingkang biasa-biasa kemawon nopo sing mboten biasa?" karo nggandeng tanganku. Sak naliko langsung tak kipatke tangane cewek iku mau, nyandak lawang, terus mak bradat mlayu sipat kucing. Wes ra tak pikerke rokokku sing ceblok nang panti pijet mau, langsung mlayu mlebu kantorku. Neng njero kantor wes diguyu ngakak-ngakak konco-koncoku. Isinku, ngati bingung arep nyelehke rai. Upomo ono sewo rai, aku pesti pesen 2. Siji gawe nutupi rai ngarep, siji maneh gawe nutupi nburi hahaha.... Ealahhh....tibak'e cewek ayu isuk mau ki karyawan anyar kantorku dewe tho.......!! Tak kiro karyawan panti pijet hahahhaha.......

Untung wae dek mau neng panti pijet gak dipekso dipijeti. Upomo mau langsung dipekso dipijeti, paling wong sak komplek ruko krungu kabeh aku bengak-bengok. Lha wong aku wonge nek dipijeti paling ra betah nahan keri hahahha.....

Nb:
Sederek-sederek ingkang saget boso jowi, monggo komentaripun ditenggo. Ingkang mboten ngertos boso jawi, njeh nyuwun ngampunten. Kulo njeh ajeng mangertosi komentaripun panjenengan ingkang mboten mudheng crito teng inggil meniko :)
....